Ek droom van 'n droom (eBoek): Een keer in jou lewe behoort jy 'n ware verhaal soos hierdie een te lees

'n Gewone tiener droom van kerels, mode en 'n suksesvolle loopbaan.

As jy Elsje is, suster van Olimpiese gouemedalje-wenner Ryk Neethling en swem-kampioen en ontwerper Jean-Marie Neethling, droom jy van swem vir die S.A.'s en Olimpiese medaljes.

Jy droom nie van 'n kanker-groeisel wat sy tentakels so diep in jou brein ingeslaan het dat die neuroloog kopskuddend se daar is nie hoop nie ... Elsje Neethling Blair is op 13 gediagnoseer met 'n doodmaak-kanker.

In EK DROOM VAN 'N DROOM vertel Elsje saam met Maretha Maartens van haar 20 jaar lange saamleef hiermee en haar weiering om toe te laat dat kanker haar ontneem van haar jongmeisiedrome.

Dit vertel van opdraandes, maar ook hoop, van terugslae ... en nuwe drome. Bydraes deur pa Ryk, ma San-Marie, boetie Ryk, sussie Jean-Mari en Elsje se man, Bruce, vertel hoe haar stryd ook hlle stryd geword het.

Daar is ook agt bladsye met volkleurfoto's uit Elsje se persoonlike album. EK DROOM VAN 'N DROOM is 'n eg-menslike verhaal, want Elsje ken die seer en die onsekerheid, maar ook die geloof en die blyke van God se genade wat 'n lewe saam met kanker kenmerk.

Sy glo onwrikbaar: Vir God is niks onmoontlik nie.